الشاعر / زيد فارس زيد الملعبي

مساجله بين الشاعر زيد فارس زيد الملعبي و مزيد بن زيد الملعبي   قال زيد :

ياعم لك عندي ولي عندك اعلوم : علوم(ن) صلاها صالين مايصالي

وليا صليت العلم صله لي اليوم : وان كان بكره لاتحلل حلالي

الضرس يضرس والخوافي لها زوم : زومن يزومه والين مايوالي

وصيت واثري يوم اوصى ابا النوم : ولا طرالي وقتها ماطرالي

اثري السنين تسن الناس من القوم : وتسنها ازوال تسما الرجالي

ومنهو فهمها ماتجي عينه النوم : ومنهو جهلها ماقصر منه طالي

دنياك هاذي لادنت تفرق السوم : بشرواك ولا غير شرواك غالي

ورد مزيد :

ياتاج راسي لك رسمنا بـ مرسوم : مرسوم في معناه مراً وحالي

وفق القرار الي يحذر عن اللوم : ودي اجيب الرد قبل الزوالي

وتعبت فيه وكل ماصار معلوم : واخذ الحذر من غيب سود الليالي

شرواك رام الطيب يومه لك يشوم : ورجلً وتحسب من قروم الرجالي

وانا عبرت مع الزمن سهل وعقوم : يوم(ن) غيري من شقاٍ الوقت سالي

وعشنا بوقت بين حاكم ومحكوم : والعلم يفرق عن صرف الريالي

دنياك فيها من مطانيخ ورخوم : وحضرت فيك وانت لي راس مالي