الشاعر / مبارك بن ضاري الملعبي

      حنا عمود البيـت مـن قـام مبنـاه حنا هـل المبنـى و حنـا  المحـلا حنا الدويله لا غدا الحـق ثـم  تـاه حنا وجـود الحـق لا ضـاع حـلا و اللـي يجينـا ناقـل ٍ داه بــرداه حنـا دواه اليـا بـدا فيـه  خِــلا اولاد ملعـب سعـد عيـن المخـلاه اللي وقـع وسـط المعـارك مخـلا يوم الردي قهقر عن الضد مـا جـاه اقفـا يفكـر فـي عسـى او  لعـلا انشد عن التاريخ يـا شيـن واقـراه و افتح عيونـك لا قريـت  السجـلا انشد رجـال ٍ عندهـا علـم  وادراه اترك نعم هـل كيـف مـاذا  وكـلا وانشد عـن الدولـه وشـي ٍ فعلنـاه فعل ٍ لجـل ثـار الشيـوخ  الاجـلا و الدرع واقـي لكـن إنّـا  فتحنـاه في صـف منديـل الكبيـر  المعـلا لا من وقف واشّـر لجيشـه بيمنـاه الخيل تخضـع و السيـوف  اتسـلا بالضيق لا من صاحبه عمسة اريـاه من حكمتـه كـل العقـد لـه  تفـلا هو شيخنا هـو عزنـا مـا نسينـاه منديـل الاول فخرنـا مـن تــولا و انشد بمن هي يوم بالضيق  تنخـاه حتـى ظـلام الليـل نـور وهــلا و انشد بمن هو موصل العلم وانهـاه يـوم الرسالـه فـي يدينـه تــدلا هو مزبن الشيخان وقـت المصافـاه يوم العـرب مـا بيـن عـز ٍ  وذلا احد ٍ منـع دونـه و صفّـى معـاداه برمـاح ربعـه كالشهـاب  اتصـلا واحد ٍ عطاه الشور بالبعـد  واخفـاه ثـم خيّـره بـغـداد ولا  المـكـلا محد ٍ قدر يحصر و يحصي  مزايـاه لو تنحصـي كـل القلـم و استكـلا و النار شبت والحطب روس واعضاه خمسة عشـر رجـال فيهـا  تمـلا و اولاد ملعب عشر و الموت  تبغـاه يـا كنهـم للمـوت نـاس ٍ تـسـلا يوم الذي فـي شقـة الغـار مخبـاه هو يحسـب ان الغـار عنـا يظِـلا جونـا يبـون بثـار شيـخ ٍ ولينـاه زدنـا ثلاثـه بالشـيـوخ المـغِـلا في صف جاسر جاسر الخير و الجاه زبن الدخيل اللـي ومـن و اسفهـلا يوم الصحيب اللي بغى العون  نـاداه من بعد ما هو عـن ديـاره  مجـلا رده عـلـى داره و عــزه  وولاه اصبح عويـن ٍ لـه وجاسـر مـولا لكن عرق الخبث ينبض من  اقصـاه لـو ان بثيـاب المراجـل  تـحـلا يبين لو راسه مـن العيـب  غطـاه مكشـوف راس العيـب ممـا يـدِلا و منديل ابن جاسـر فعولـه بيمنـاه راع الشـرا و البيـع وقـت النـزلا سمـوه بالتالـي بوصفـه ومعـنـاه بـالاول المغـوار وصفـه  تـعـلا يوم الجهل مروي من الضـد شلفـاه مقـدام مـا يـوم ٍ عـن الضـد زلا كم واحد ٍ من شـدة العـزم ينصـاه يأتيـه واديـار الـعـدو تستـحـلا لو يزمي العايـل زمـى مـا تعـداه يا لين عن حرب الصيـارم يقـل لا و الدين يوم انه ظهر حيـث منشـاه و انباج نـور الصبـح والجهـل ولا اصبح مـن القـاده يطـرّا بطريـاه مع راية التوحيـد عـن مـا يظـلا يا لين ساد الدين مـع كـل  منحـاه و الجهل من نور العقـول اضمحـلا هذا كلام الحـق يـا بـارد  احكـاه ما هو كـلام ابكيـف مـاذا و كـلا   هذه قصيدة عن الملاعبه

  يالله الواحد اللي مامعه ثاني
مالك الملك و الاكوان سواها

ترحم اللابة اللي شانها شاني
شانها شان لا من حل طرياها

من قديم العصور وماض الازماني
والدويلة يشع النور ذكراها

محمل الحرب في روغات الاذهاني
ويل منهو على الهيا تمناها

تطلم المعتدي وتنجي الواني
سعد عين الذي جاها وينخاها

يوم منديل ركز كل نيشاني
عندك الترك راحو من ضحاياها

يوم رد الخبر يم الغنيماني
حط سفل الدعاوي فوق علياها

و الدويله معه في كل ميداني
ينكف الضد من شوفة سراياها

من بغى اولاد ملعب راح خسراني
غير من هو مشى بالدرب ممشاها

خبر اللي جحدنا يوم الاكواني
كيف حط اول الوقفات بتلاها

يوم صارت رخا لفلان وفلاني
حطله فعل يوم إنا تركناها

ما تضيع الحقوق اللي لها شاني
عند ناس*ٍ حميدات*ٍ سجاياها

        هذه القصيدة كانت ترحيبيه في الامير بندر بن شملان   يا مرحبا في ضيفنا نسل الأحرار   من ديرته للديرة اللي عناها

يا مرحبا في مرحب امرار وامرار   واعداد ما تسري النجوم ابسماها

من دار اخو نورة هل الطيب والكار  دارٍ تشرف كل منهو وطاها

يم الكويت اللي لها عزم واصرار   دار الصباح امأدبت من عصاها

اهلا وسهلا فيك والدار لك دار   دار القلوب اللي صريحٍ وفاها

يا بندر الشملان يا وافي الاشبار    يا مجاوبٍ صوت الندا في نداها

ياللي رفعت البيت واشعلت بالنار  ضوٍ تكاشف من بعيدٍ سناها

جمع الجماعة فيه خيرٍ ومعبار   واللي زرع ثمرة حصيله جناها

ما تدرك الغايات رجل التعثار   من يبدي الخطوة وصل منتهاها       قصيدة أخرى بمناسبة تولي الشيخ بندر الشملان إمارة الملاعبة من مطير وبلدة الجعلة بالأسياح خلفاً لأخيه الشيخ منديل بن غنيمان رحمه الله ..
    بديت وعماد المثايل شعورها  كالشجرة اللي ضاربة في جذورها

ما ننقي إلا كود درٍ من البحر  نسبح ولا نخشى مخاطر بحورها

في صدرها في عجزها في طروقها  في فتلها في نقضها وامعسورها

عندي سهاله عسرها ما يكودني  والراحلة ما ضعضعت في شطورها

واخلاف مبدايا بنوّخ ركايبي  في حضرة اللي وافياتٍ اشبورها

أولاد ملعب سعد عينك وفعلهم  يشهد له التاريخ ماضي عصورها

في كل موضع يعبرونه لهم ذكر  من الكويت لنجد هذا عبورها

جمع الدويلة ضربهم يرعب العدى  كم جمعةٍ منهم تقافت دبورها

يوم القبايل بين حادم ومحتدم  في سالف الماضي نفاخر بدورها

منديل الأول قادها تحت رايته  يوم ان نجد اتحوم فيها نصورها

يوم الرجل رزقه بعضة نواجذه  بسياسته طوّع عظايم ومورها

شجاع ومحنّك وقايد وصيرمي  ومطوّع العيّال لا زاد جورها

لا من عطا الصيّاح في حزة الضحى  له هدةٍ ترعب ضواري نمورها

هو مزبن الشيخان هو ملتجى اللذي  من ظلّمت دنياه يبشر بنورها

ماني معدد بالفهارس معدده   من له عيون وراس يقرا سطورها

هذا فعل منديل الاول بما مضى  بعده ظهر جاسر وصفّى كدورها

له هدةٍ يشبع بها الذيب والفهد  واللي على الضلعان عالي وكورها

بمصقّلٍ يلمع كما بارق الحيا   ما يضرب القومان كود ابنحورها

بعده ظهر منديل الآخر بحكمته   يشار يوم الناس توخذ بشورها

على الوفا والطيب وانبل خصايله   في ديرته هذي مشيّد حجورها

حرٍ على جول الحباري ذي هدّته   ما يضرب إلا في مثاني صدورها

يقود جمع يرهب الضد كثرهم   من قبل ياصالهم يسوي قبورها

يتبع امام وطن البدو بالقرى   كل على داره يحاوط بسورها

صقر الجزيره والجزيره يسودها   عبد العزيز الليث سهل وعورها

ساد الجزيره واخضعت له قبايله  ثم اصبحت تاريخ واقفت دهورها

واليوم كلٍ غازيٍ في توارخه  كلٍ يجبِّر ماعطب من كسورها

زودٍ على ذلك تعدت لغيرها  تقلب مواضيع تحدر حدورها

ماهمنا منهو يوضب مثايله  بالكذب والتزييف دهن سيورها

يجحد رجالٍ فعلها فوق بالعلا  من ضعف باسه وده انه يزورها

هو يحسب انه بالحيل حل عقدته  مايدري انه ماسلم من شرورها

لابد مايفضح وتكشف خمايله  عبرة لمن طق العرب في ظهورها

والحفل هذا مجمع الطيب والوفا  ليلٍ سعيدٍ من ليالي سرورها

مبروك يابندر وماره حضيتها  بولاد ملعب والبلد مع قصورها

من طاب في ربعه يحصل مثالها  ولا الردي له مازرع من بذورها

ماتدرك الغايات والعز والمنى  رجلٍ على الطرقه كثيرٍ عثورها

والخاتمه صلوا على سيد البشر  عد الليال ايامها مع شهورها     مساجله بين الشاعرين سعود النخيلان و مبارك بن ضاري

  يقول: سعود النخيلان   البورصه يا مبارك خسر تاجرها
ما عاد يرجي وراها جني الارباحي
طاح المؤشر وزادت في تدهورها
 وجميع تجارها ما فيهم الصاحي
تدميرها من يدين اللي يدبرها
جاب الكدر والليالي كانت أفراحي
يازين دورلها يوم انت خابرها
 يوم المكاسب دبل والسعر ماطاحي
هذيك فتره وراحت لا تدورها
ماعاد ترجع ليالن وقتها راحي
وانكان كبدك عليها زاد ساعرها
لا تدمر السوق خلك رجل مزاحي
قبلك رجالن عليها ضاق خاطرها
 من قهرهم تسمع اللجات وصياحي
تقبل الوضع وعدد في خسايرها
 يمكن يجيها الذي يسعى للاصلاحي
  رد  مبارك بن ضاري
  لا صارت البورصه منكس مؤشرها
مالي سوات الصبر والصبر مفتاحي

كل الرجال اعجزت حتى تغيرها لا شك الأسهم لها مضوا ومسراحي
بين الخضر والحمر محد(ن) يعيرها
 لين إن راحت مع صفقات الأرياحي
والسبه اللي تجارتها تسعرها
 تفرض على الناس سلعتها وتجتاحي
أهل الطمع والطمع معمي ضمايرها
ياليتها عن دروب الناس ترتاحي
والكل مرتاح من شي(ن)مكدرها 
من بعدهم تبتهج والهم ينزاحي
يا سعود ماني مطولها مقصرها 
يوم إنك تقول خلك رجل مزاحي
لا تحسب إني بجيب أقصى تصورها 
ماني على الناس هزاي(ن) ولماحي
لا شك راحت لنا أيام(ن) تعبرها
يوم إن الأرباح مكتوبه بالألواحي
ما راح يرجع ونجبر في تكسرها 
والياس ظلماه له شعله ومصباحي
لو إن الأيام زادت في تعسرها
 في تاليتها تهون وما غدا راحي