محارب بن منصور الحمدان الملعبي المطيري

                قصيده موجهه للأستاذ المهندس /

  محارب بن منصور الحمدان الملعبي

  رئيس بلدية مليجه

  المعروف عنه بقمة التواضع والوفاء ورجل الفزعات


  أبرسل الشكوى بعد ضقت وأزريت
وضاعت هقاوي زيد في من هقابه
  ماكل رجل(ن) ينصي ليا تنصيت
بعض الرجال يخيّب اللي لجابه
  واليوم أبنصى اللي على ذكرهم جيت
اللي كسب قولة نعم في شبابه
  تلقاه دايم كل ماأصبحت وأمسيت
ماصك في وجه الرياجيل بابه
  محارب ولد منصور قول(ن) بتثيت
من طيب راسه تفتخر فيه لابه
  مطير حمران النواظر هل الصيت
أهل الشجاعه يوم وقت الحرابه
  واليوم يامحارب نصيت وتعنيت
عنزت لك شكواي وأبغى الأجابه
  أليا ومرك الله ووجهت وأمضيت
اللي نصيتك فيه يمشي كتابه
  فالّلازمة ماينصّون السرابيت
إلا الرجال اهل الوفا والمهابه
  وألا أنت في روس المراجل تعليت
الحر حر وماكر البوم غابه
  وافي وبالطيب المرجلة ماترديت
عون الرفيق اليا نصاه إعتزابه

  الشاعر / زيد الهاجري