دبيس السويجي المطيري

بسم الله الرحمن الرحيم

السلام عليكم ورحمة الله وبركاته


قصه سطرها التاريخ بماء الذهب ... ولا بد ان نسطرها نحن في صفحاتنا

لكي نسطرها جميعنا في قلوب ابناؤنا ....



كان بالزمان الماضي يوجد جار لـــ / منديل بن غنيمان امير الملاعبة من مطير

ويدعى هذا الجار / عجاب بن حسيان الصابري من العوازم

وحدثت عليهم غارة واخذت ابل مطير ومعهم ابل جارهم العازمي


وطلب الامير ابن غنيمان من جميع فرسان الملاعبة بأن الفزع في ذلك اليوم دفاعا ً

عن ابل جارهم العازمي ومن ثم الدفاع عن بقية الابل


وهذا وفاء للجار وحسن الجيرة ...



وقد قال الشاعر دبيس السويجي المطيري هذه الابيات بتلك المناسبة



قال منديل مابه روحنا دون جارا *** حالفله بدينن مايروح البعيري

يوم صاح المصيح واعتلينا المهارا *** وركبت الخيل يوم العلم وصل الاميري

وطوحن بالهلاهل البني العذارا *** هلهلن للفزع واركى الصياح النذيري

دون عجاب مابه هي حلاة المثارا *** نجلب الروح واللي حطه الله يصيري

لين ترجع مجاهيمن عليهانهارا *** في نهارن يسولف ما المعادي ابخيري

وردوا البل هل البل من جموعن كبارا *** يوم صار المثارى بالشلاف الشطيري

حيث لحقوا طلبنا سربتينن تبارا *** مطلبينن مجاهمين غناة الفقيري

كيف يوخذ قصير البيت يااهل البكارا *** في سلوم العشاير مايضام القصيري

وجارنا اليوم ينخا بايعين العمارا *** لابسين المجوخ بالنهار الكبيري

مالبسنا المجوخ والدروع الشهارا *** كود للضد ماله لافرير ومطيري

في نهارن يبين بالرجال الخيارا *** ستر من بالملاقا صاملن بالمنيري

يوم كلن تبين شوف فعله نهارا *** اشهد انه فعل عجاب والله نصيري

جارنا العازمي عجاب ز بن الثبارا *** باع نفسه مع اللي ينطحون المغيري

مع اولاد ملعب اللي فعلهم له قرار*** شاهدن له جميع الاجنبي والمطيري




اتمنى عجبتكم القصه والقصيده


ولي عوده باذن الله بالمزيد